Internet
D'Internet (Ofkierzung fir Interconnected Networks) ass e weltwäiten Zesummeschloss vu Computernetzwierker déi op de verschiddensten Technologië berouen, an …
D'Internet (Ofkierzung fir Interconnected Networks) ass e weltwäiten Zesummeschloss vu Computernetzwierker déi op de verschiddensten Technologië berouen, an deen d'Benotze vun Internetdéngschter wéi WWW, E-Mail, Telnet, Usenet an FTP erméiglecht a sou der Kommunikatioun an dem Austausch vun Informatioun déngt. Dat Netz vun Netzer kënnt dem Benotzer awer wéinst enger komplexer Internet-Software, déi all Detailer verstoppt, als eenheetlecht homogeent Netz vir. Dofir gëtt och dacks vun engem virtuellen Netz geschwat.
Iertemlecherweis gëtt d'Wuert "Internet" dacks als Synonym fir de World Wide Web benotzt, deen awer just ee vu ville Servicer vum Internet ass.
Gebuertsstonn vum Internet
Gebuertsstonn vum Internet geet zeréck op 1969, wéi véier amerikanesch Universitéiten (Stanford Universitéit, Santa Barbara, Los Angeles an Utha) matenee vernetzt goufen. Dat Netz war ënner dem Numm ARPANET bekannt a gouf vun der Advanced Research Projet Agency (ARPA) vum amerikanesche Verdeedegungsministère ënnerstëtzt. D'ursprénglecht Zil vum Projet stoung am Hannergrond vum Kale Krich, fir ee verdeelte Kommunikatiounssystem opzebauen, dat am Fall vun engem Atomkrich eng Kommunikatioun ouni Stéierungen erlabe géif. D'ARPANET ass séier gewuess a gouf scho gläich drop an ee militärescht benotzt a wëssenschaftlecht, zivil benotzt Netz opgedeelt. Nodeem 1983 dunn d'ARPANET op d'TCP/IP Protokollfamill adaptéiert ginn ass, huet lues a lues sech och den Numm Internet duerchgesat.
Zanter ufanks der 1990er-Joren, huet awer de World Wide Web an déi éischt einfach benotzbar graphesch Webbrowseren dem Internet zu sengem risegem Erfolleg a weltwäiter Verbreedung verhollef.
Opbau a Funktiounsweis vum Internet
Vernetzung
Computere loosse sech zu Netzwierker zesummeschléissen. Sou Netzer sinn ënner anerem:
- Firmenetzwierker, iwwer déi d'Computeren aus enger Firma verbonne sinn,
- Providernetzwierker, un deenen d'Computere vun de Clientë vun engem Internet Service Provider ugeschloss sinn oder
- Universitéitsnetzwierker.
Dës Netzwierker ginn no hirer raimlecher Ausdeenung klassifizéiert:
- Lokal Netzer (Local Area Networks, LAN) gi just iwwer kleng Distanzen a sinn an der Reegel privat Netzer. Si hunn eng symmetresch Struktur a baséieren allgemeng um Broadcasting-Prinzip. Wichteg Technologien am LAN-Beräich sinn Ethernet oder zum Beispill Token Ring.
- Wäitverkéiersnetzer (Wide Area Networks, WAN) iwwerbrécke gréisser Distanzen a sinn allgemeng op Netzwierkbedreiwer ugewisen. Si besëtze meeschtens eng irregulär Struktur a baséieren op der Store-and-Forward Switching Method. Vertrieder am WAN-Beräich sinn zum Beispill ATM oder ISDN.
Gi verschidden Netzer zesummegeschalt, sou entsteet een Internet. Zesummeschalte vun Netzer weltwäit bezeechent een dann als d'Internet. Dës Zesummeschaltung geschitt iwwer Vermëttelungscomputeren oder Routere genannt. Si hunn unhand vun enger eendeiteger Adress ze decidéieren iwwer wat fir ee Wee eng Noriicht weidergeleet gëtt.
Pakvermëttelung
Allgemeng gëtt eng Noriicht a Päck vun enger bestëmmte Gréisst opgedeelt (Fragmentéierung), déi dann eenzel an onofhängeg vun eneen iwwer d'Netz transportéiert ginn. Dobäi kënnen dës Päck iwwer ganz verschidde Weeër zum Destinataire geroden, deen dann Noriicht nees muss zesumme setzen. Sou huet all Benotzer ee gläichfairen Zougrëff op d'Netz an 't ass eng héich Ausfallsécherheet garantéiert. Duerch d'Verschécke vu klenge Päck kënnen Iwwerdroungsfeeler séier erkannt ginn a bei Bedarf musse just déi feelerhaft Päck nei verschéckt ginn.
Internetworking
Déi héich komplizéiert Technologie, déi et fäerdeg bréngt fir déi verschiddenst Hardware-Technologië a Prinzipie mateneen ze verbannen, datt eng Noriicht iwwerdroe ka ginn, gëtt als Internetworking bezeechent a baséiert op enger Rei vu Kommunikatiounsprotokollen. Dës Protokoller bauen op enger Partie vu streng festgeluechte Reegelen op a ginn no engem Schichtemodell kassifizéiert. All Schicht aus dësem Modell adresséiert e bestëmmten Deelproblem vun der Kommunikatioun. Am Internet schwätzt ee vum TCP/IP-Protokollstapel.
E puer Internetservicer
| Service | Protokoll | Protokoll-Beschreiwung |
| Nummopléisung | Domain Name Service (DNS) | Déngt zur Opléisung vun Nimm (z. B. lb.wikipedia.org) an IP-Adressen |
| World Wide Web (WWW) | Hypertext Transfer Protocol (HTTP) | Déngt zur Iwwerdroung vu Websäiten |
| Elektronesch Post (E-Mail) | Simple Mail Transfer Protocol (SMTP), Post Office Protocol (POP) Interactive Mail Access Protocol (IMAP) |
Déngt zum Verschécken an empfänke vun elektronesche Bréiwer |
| Dateitransfer | File Transfer Protocol (FTP) | Déngt zur Iwwerdroung vun Dateien |
| Remote Login | Telecommunications Network Protocol (Telnet) Secure Shell (SSH) |
Déngt zur Benotzung vu Computeren aus wäiter Distanz |
Literatur
- Christoph Meinel, Harald Sack: WWW - Kommunikation, Internetworking, Web-Technologien. Springer-Verlag, 2004.
- Andrew S. Tanenbaum: Computer Networks. Prentice Hall, 2002.
Um Spaweck
|
Commons: Internet – Biller, Videoen an Audiodateien |
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.