Explorer-Programm
Den Explorer ass den éischten an zougläich ëmfangräichste Satellitten- a Raumsondeprogramm vun de Vereenegte Staaten.
_in_dynamic_test_chamber.jpg)
Den Explorer ass den éischten an zougläich ëmfangräichste Satellitten- a Raumsondeprogramm vun de Vereenegte Staaten.
Geschicht
1957 hat d'Sowjetunioun mam Sputnik 1 d'Course ëm den éischte kënschtleche Satellit am Weltraum fir sech entscheet. Et hat offiziell mat der Ukënnegung vum US-amerikanesche President Dwight D. Eisenhower den 28. Juli 1955, am Kader vum internationale geophysikalesche Joer ugefaangen, fir e kënschtlechen Äerdtrabant an d'Ëmlafbunn ze bréngen. D'Sowjetunioun hat e puer Deeg méi spéit offiziell matgedeelt dat selwecht wëlles ze hunn.
D'USA ware mat hirem Vanguard-Projet zum Zäitpunkt vum Sputnik-Start nach net startbereet an hunn et bis Enn 1957 mat engem virgezunnene Start versicht. De Start war eng Katastroph: Déi bis dohin nach net vollstänneg getest Drorakéit war beim Start nach op der Startramp explodéiert, virun den Ae vu Millioune vun Televisiounspektateuren.
D'Explorer-Serie krut domat d'Chance, déi éischt Satellitten an d'Äerdëmlafbunn ze schéissen, a war géintiwwer dem Vanguard-Projet iwweraus erfollegräich. Den 1. Februar 1958 war den Explorer 1 als éischten amerikanesche Satellit erfollegräich an d'Ëmlafbunn gestart. Ënner dem Numm Explorer goufen 91 erfollegräich Missiounen (Stand: 9. Abrëll 2013) op den ënnerschiddlechste Fuerschungsgebidder gemaach, an dat vun der Erfuerschung vun der Ionosphär iwwer d'Radioastronomie bis zu der Atmosphär- an Äerdfuerschung. Déi haaptsächlech vun der Arméi zu Huntsville (Alabama) entwéckelt Satellitten, mat Hëllef vun der Expertegrupp ronderëm de fréieren techneschen Direkter Wernher von Braun, ware sou déi éischt US-Satellitten am Orbit - an domat e wichtegen éischte Schrëtt a Richtung bemannt Raumfaart.
Missiounen
Jiddwer Explorer-Satellit (zanter Explorer 6) dréit eng Subbezeechnung - jee nodeem zu water engem wëssenschaftleche Projet e gehéiert.
Zanter Ufank vun den 1990er-Jore goufen am Explorer-Programm Ënnerprogrammer gestart:
- SMEX (Small Explorer) fir kleng Fuerschungsmissiounen zanter Ufank vun den 1990er-Joren.
- MIDEX (Middle-Sized Explorer) fir mëttelgrouss Fuerschungssatellitten zanter Enn vun den 1990er-Joren.
- STEDI (Student Explorer Demonstration Initiative) an UNEX (University Explorer) fir kleng, vun Universitéite fir d'NASA duerchgefouert Missiounen.
Eng vollstänneg Oplëschtung vun de bis elo 102 gestarten Explorer-Satellitte steet an der Lëscht vun Explorer-Missiounen.
Kuckt och
Quell
- Nasa Facts: Explorers: Searching the Universe Forty Years Later
Um Spaweck
|
Commons: Explorer-Programm – Biller, Videoen an Audiodateien |
- (en) NASA: Explorer History
- (en) NASA: Explorer-I and Jupiter-C
- Bernd Leitenberger: Explorer am Moundorbit
- (en) NSSDC: D'Explorer-missiounen am National Space Science Data Center
- https://web.archive.org/web/20160304123020/http://www.claus-schieber.de/spacefl/usa.htm
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.