Norbert Stomp
Den Norbert Stomp, gebuer de 25. Dezember 1940 zu Schëffleng, ass e lëtzebuergesche Biolog, Professer a Muséesdirekter.
| Norbert Stomp | |
|---|---|
 | |
| Gebuer | 25. Dezember 1940 |
| Alter | 85 Joer |
| Nationalitéit | Lëtzebuerg |
| Educatioun |
Athénée de Luxembourg, Paräisser Universitéit |
| Aktivitéit | Entomolog, Enseignant, Kurator, Direkter, Biolog |
| Fonctioun | Muséesdirekter |
| Auszeechnungen | Präis Hëllef fir d'Natur |
 | |
Den Norbert Stomp, gebuer de 25. Dezember 1940 zu Schëffleng, ass e lëtzebuergesche Biolog, Professer a Muséesdirekter.
Hien ass virun allem bekannt als Direkter vum Naturmusée, fir säi berufflechen an ausserberufflechen Engagement am Beräich vum Natur- an Ëmweltschutz, an och als Auteur vun enger Rëtsch vu wëssenschaftleche Publikatiounen.
Den Norbert Stomp ass Membre effectif vun der Section des sciences vum Institut grand-ducal, Éieremember vun der Académie lorraine des sciences, Éierepresident vun der Association des biologistes luxembourgeois a fréiere President vun de Frënn vum Naturmusée. Bis 2010 war hie Vizepresident vun der Stëftung Hëllef fir d'Natur. Hien ass 1963 Member vun der Société des naturalistes luxembourgeois ginn.
Den Norbert Stomp ass bestuet a Papp vun engem Meedchen.
Studium a Karriär
No der Primärschoul zu Miersch a senger Première am Stater Kolléisch (1960), huet den Norbert Stomp Biologie op de Cours supérieurs zu Lëtzebuerg an duerno op der Universitéit zu Paräis studéiert. No der Collation des grades (1964) huet hie säi Stage pédagogique am Stater Jongelycée gemaach, wou hien 1967 Professer genannt gouf. 1970 koum hien als Biologies-Professer an de Stater Kolléisch. Vun 1976 bis 1985 war hien och Professer fir Zoologie um Cours universitaire zu Lëtzebuerg. 1981 gouf hie Conservateur an 1988 Direkter vum Naturwëssenschaftleche Musée, wat hie bis zu senger Pensioun am Joer 2001 bliwwen ass.
Aktivitéiten als Muséesdirekter
Ënner der Direktioun vum Norbert Stomp gouf den Naturwëssenschaftleche Musée duerch e Gesetz vun 1988 als Musée mat eegenem Statut etabléiert, an ass 1996 vum Fëschmaart an dat haitegt Gebai am Stadgronn geplënnert.
Ënner senger Leedung gouf den Naturmusée personell ausgebaut a krut 7 naturwëssenschaftlech Sektiounen an 2 technesch Servicer. Zu senger Initiativ gehéieren och de Science Festival, de Musée Bus, de Galileo Science Mobil, de Science Club an de Panda Club.
1982 huet hien am Naturmusée, mat der Ënnerstëtzung vum Minister Pierre Werner, e Centre de recherche scientifique gegrënnt, wou iwwer 150 fräiwëlleg wëssenschaftlech Mataarbechter mam Naturmusée zesummeschaffen an duerch de Musée an hirer Fuerschung ënnerstëtzt ginn.
Op seng Initiativ hi goufen 1988 resp. 1994 zwou Stëftunge gegrënnt déi enk mam Musée zesummeschaffen: de Centre de géodynamique et de séismologie mat Sëtz zu Walfer beim Laboratoire souterrain an der Walfer Gipsgrouf an d'Fondation Faune-Flore.
Engagement am Beräich vum Natur- an Ëmweltschutz
1975 war den Norbert Stomp Matgrënner a bis 1977 President vum Comité national d'action pour un moratoire, engem Zesummeschloss vun engagéierten Naturwëssenschaftler mat Natura, Jeunes et environnement an der Biergerinitiativ Museldall, géint déi geplangt Atomzentral am Haff Réimech.
1985 ass op seng Initiativ de Präis Hëllef fir d'Natur fir d'éischt Kéier am Naturmusée iwwerreecht ginn. Hie gouf Lauréat vun dësem Präis fir d'Joer 2002[1], no senger Pensioun.
Wëssenschaftlech Aarbechten
No Stagen am Muséum d'histoire naturelle zu Paräis an zu Genf huet den Norbert Stomp d'Collembolen, eng Grupp vun Insekte studéiert, besonnesch déi Aarten déi an Hiele liewen.
Publikatiounen (Auswiel)
- Stomp N., Weiner W.M., 2005. Some remarkable species of Collembola (Insecta, Apterygota) of the Luxembourg sandstone area. Travaux scientifiques du Musée national d'histoire naturelle, Ferrantia 44: 227-232.
- Stomp N., 1986. Tetracanthella hygropetrica luxemburgensis n. ssp. de la région du «Grès de Luxembourg » (Insecta, Collembola, Isotomidae). Bulletin du Muséum national d'histoire naturelle, sér. 2, 40 (4): 734-741.
- Stomp N., 1971. Contribution à l'étude des Pseudosinella endogés. Espèces européennes de Pseudosinella à 5+5 yeux (Collembola, Entomobryidae). Revue d'Écologie et de Biologie du Sol 8: 173-188.
- Stomp N., 1969. Sminthurinus concolor (Meinert, 1896) au Grand-Duché de Luxembourg (Insecta, Collembola). Bulletin de la Société des naturalistes luxembourgeois 70 (1965): 175-184.
- Stomp N., 1968. Deux nouvelles espèces d'Orchesella de la région du « Grès de Luxembourg » (Insecta, Collembola, Entomobryidae). Archives de l'Institut grand-ducal, section des sciences naturelles, mathématiques et physiques 33 (1967): 259-273.
Gielercher
Chevalier vum Ordre de Mérite du Grand-Duché de Luxembourg (Promotioun 1978)[2]
Literatur
- Massard, J.A. & G. Geimer, 2015. Le bulletin de la Société des naturalistes luxembourgeois (SNL) et ses auteurs depuis 1990, une sélection de notices bio-bibliographiques. Bulletin de la Société des naturalistes luxembourgeois 116: 457-504 [Norbert Stomp S. 496-499].
Referenzen
- ↑ Remise du Prix Hëllef fir d'Natur (20 janvier 2003). Bulletin de la Société des naturalistes luxembourgeois 105 (2004), S. 148.
- ↑ (fr) Des personnalités de la vie culturelle à l’honneur - ORDRE DE MERITE. viewer.eluxemburgensia.lu Säit 4. Luxemburger Wort (21.06.1978). Gekuckt den 11.06.2026.
Kuckt och
Um Spaweck
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.